स्थानीय खबर संवाददाता
काठमाडौं, १२ बैशाख
गाउँपालिका महासंघले १७ बुँदे सदाचार नीति घोषणा गरेको छ । महासंघले नीति अनुशरण गर्न गाउँपालिकाका जनप्रतिनिधीहरूलाई आह्वान गरेको छ ।
महासंघका अध्यक्ष होमनारायण श्रेष्ठले सदाचार नीतिले गाउँपालिकाका जनप्रतिनिधीहरूलाई नागरिकप्रति उत्तरदायी र सचेत बनाउने दाबी गरे । महासंघको पहिलो बैठकले पारित गरेको सदाचार नीतिको पूर्ण बिबरण:
१) नताले सजिलै र सोझै अध्ययन गर्न सक्ने पुस्तक बनौं ।
२) आफूलाई यस्तो पात्र सम्झौं जसको सम्पति मात्र निष्ठा हुनेछ अनि जसको पहिलो र अन्तिम वाक्य हुनेछ हामी । म होइन ।
३) असम्भव कुराहरु नबोलौंM बोलेका कुराहरु पुरा गर्न प्रयत्नसिल रहौं ।
४) आफ्ना वाचाहरु प्रति जवाफदेहि बनौं: समयको ख्याल गरौं ।
५) प्रत्येक मानिसहरु प्रति विनम्र होऔं: कसैप्रति टाढा र नजिकको व्यवहार नगरौं ।
६) कामको प्राथमिकता छुट्याउने गरौः जटिल काम पहिले र कम जटिल काम पछि सारौं ।
७) पहुँचको आधारमा होइनः सामाजिक न्यायको आधारमा काम गरौं ।
८) जनताको कुरा झर्को नमानी सुनौः चित्त बुझ्दो र भरपर्दो जवाफ दिऔं ।
९) जनतासँगको घनिष्ठ सम्बन्ध कायम राखौंः नियमित जनता समक्ष पुग्ने वातावरण बनाऔं ।
१०) दिनचर्या पारदर्शि र स्पष्ट बनाऔं ।
११) असल र योग्य मानिसहरुलाई साथमा लिऔं ।
१२) अपाच्य र भड्किलो जीवनशैली नअपनाऔः त्यस्तो समारोहहरु आयोजना नगरौं ।
१३) संविधान र आवश्यक कानूनहरुको राम्रो अध्ययन गरौंः गैर संवैधानिक र गैरकानूनी व्यवहार नगरौं ।
१४) आफ्नो क्षेत्रको राम्रो अध्ययन गरौंः तथ्यको आधारमा मात्र बहश गरौं ।
१५) बहाना बनाएर नपन्छौं: केही न केही सकारात्मक काम गरिरहौं ।
१६) सममस्यामा मात्र भन्दा समाधानको बारेमा सोचौं: समस्याको चर्चा गर्न होइन समाधानको लागि भूमिका खेलौं ।
१७) दलीय स्वार्थ भन्दा माथि उठौंः विवेक पुर्याएर काम गरौं ।
प्रतिक्रिया