२७ पुस, कलैया । बाराको कलैया उपमहानगरपालिकाले आर्थिक बर्ष २०७४/०७५ का लागि ९१ करोड ३२ लाख रुपैयाँ बजेट विनियोजन गरेको छ ।
उपमहानगरपालिकाका प्रमुख राजेशप्रसाद यादवको अध्यक्षतामा आयोजित नगरसभामा उपप्रमुख रजिमा खातुनले बजेट विनियोजनको घोषणा गरेको हो । अहिलेसम्म चालूतर्फ १५ करोड ५५ लाख रुपैयाँ र पुँजीगततर्फ ३ करोड ९९ लाख रुपैयाँ खर्च भएको छ ।
नगरसभाको उद्घाटन गर्दै खानेपानी तथा सरसरफाइमन्त्री महेन्द्र यादवले नगरको विकासमा नगरवासी नै सक्रिय हुनुपर्नेमा जोड दिए । साथै गणतन्त्र स्थापना गर्न शहादत प्राप्त गर्ने सहिदहरूको सपनालाई पूरा गर्ने दायित्व जनप्रतिनिधिमा रहेको बताए ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।