गाविस सचिवको भत्तालाई ४१ करोड ६९ लाख रुपैयाँ विनियाेजन, कुन जिल्लामा कति ?

सरकारले आइतबार गाविस सचिवहरूको कार्यसम्पादन भत्ता विनियोजन गरेको छ । संघीय मामिला तथा स्थानीय विकास मन्त्रालयले ७३ जिल्लामा कार्यरत ३ हजार १५७ सचिवको भत्ताका लागी ४१ करोड ६९ लाख रुपैयाँ बजेट अख्तियारी दिएको छ । काठमाडौं र भक्तपुर भने गाविसविहीन भएकाले सचिव कार्यरत छैनन् ।

कार्यस्थलमा खटेर कम्तिमा २४ दिन काम गरेको हुनुपर्ने, बेरुजु नियमित फछर्योट गर्नुपर्ने, तोकिएको समयभित्र सामाजिक सुरक्षा भत्ता बाँडनु पर्नेजस्ता सुचकहरू बनाएर अंकभार दिने र त्यही अंकका आधारमा तलबको ४० देखि ५० प्रतिशत सचिवले भत्ता पाउने छन् ।