२५ मंसिर ।
जनकपुरधामः प्रतिनिधिसभा सदस्य धनुषा निर्वाचन क्षेत्र नं ४ बाट नेकपा एमालेका रघुवीर महासेठ विजयी भएका छन् । मुख्य निर्वाचन अधिकृत कार्यालयका अनुसार उनी २२ हजार ५३२ मत प्राप्त गरी विजयी भएका हुन् । उनका निकटतम प्रतिद्वन्द्वी संघीय समाजवादी फोरम नेपालका महाजन यादवले १९ हजार ६६२ मत प्राप्त गरेका छन् ।
बाराः बारा निर्वाचन क्षेत्र नं १ को प्रतिनिधिसभा सदस्य पदमा नेपाली कांग्रेसका उमाकान्त चौधरीले २४ हजार ४५० मत ल्याइ विजयी भएका छन् । उनका निकटतम प्रतिद्वन्द्वी नेकपा एमालेका अच्युत मैनालीले २२ हजार ३० मत ल्याए ।
त्यसैगरी निर्वाचन क्षेत्र नं ४ को ख प्रदेशसभा सदस्य पदमा राजपा नेपालका दीपेन्द्र सोनल १३ हजार ११८ मत ल्याइ विजयी भए । उनका निकटतम प्रतिद्वन्द्वी माओवादी केन्द्रका उमेश कुसुवाहाले पाँच हजार ८९७ मत ल्याएको मुख्य निर्वाचन अधिकृत प्रकाश खरेलले जानकारी दिए ।
रासस
प्रतिक्रिया