२८ कार्तिक २०८३, शनिबार | Sat Nov 14 2026

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

वाम गठबन्धनका उम्मेदवार जिताउन कास्कीमा युवा परिचालन समिति

लेखक स्थानीय खबर २० कार्तिक २०७४, सोमबार १ मिनेट पढाइ

 

२० कात्तिक, कास्की । एमाले निकट युवा संघ नेपाल र माओवादी केन्द्र निकट योङ कम्युनिष्ट लिगले कास्कीमा युवा परिचाल कमिटी गठन गरेका छन् । वाम गठबन्धनको उम्मेदवारलाई जिताउन युवा परिचालन समिति गठन गरेका हुन् ।

दुवै संगठनले संयुक्त पत्रकार सम्मेलन गरी जिल्लाका प्रतिनिधिसभा तीन र प्रदेशसभाका छ वटै क्षेत्रका उम्मेदवारलाई विजयी बनाउन ११ सदस्यीय निर्देशक समन्वय समिति र ५ हजार एक युवा परिचालन कमिटी गठन गरिएको जानकारी दिएको छ । निर्वाचन परिचालन गर्न जिल्लाका ३ वटै निर्वाचन क्षेत्रमा संयुक्त युवा भेला राख्न मिति तय गरिएको युवा संघका अध्यक्ष विष्णु पुनले बताए ।

निर्वाचनपछि वाम गठबन्धनको बहुमतको सरकार बन्ने र यसले देशमा राजनीतिक स्थायित्व कायम भई आर्थिक समृद्धि र विकास अघि बढ्ने योङ कम्युनिष्ट लिगका अध्यक्ष राम थापाले जिकिर गरे ।

यसैबीच वाम गठबन्धनका उम्मेदवारलाई जिताउन एमाले र माओवादी केन्द्र निकट विद्यार्थी संगठन अनेरास्ववियु र अनेरास्ववियु (क्रान्तिकारी) ले १ हजार २१२ सदस्यीय निर्वाचन परिचालन कमिटीसमेत गठन गरेका छन् । रासस

प्रकाशित मिति : २० कार्तिक २०७४, सोमबार

प्रतिक्रिया ०

यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।

अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।

प्रतिक्रिया लेख्नुहोस्

तपाईंको इमेल प्रकाशित हुँदैन। प्रतिक्रिया सम्पादकको स्वीकृतिपछि देखिन्छ।