भोजपुर, २३ भदौ । सडक र विद्युत्लाई पहिलो प्राथमिकता दिँदै ट्याम्केमैयुङ गाउँपालिकाको प्रथम गाउँसभा सम्पन्न भएको छ । गाउँपालिकाको पूर्वाधार निर्माणअन्तर्गत सडक र विद्युत्लाई पहिलो प्राथमिकतामा राखी गाउँसभाले बजेट विनियोजन गरेको छ ।
गाउँसभाले सडकमा पाँच करोड ९ लाख सत्तरी हजार, विद्युत्मा एक करोड ३८ लाख ३० हजार र गाउँपालिका स्तरीय मध्यम तथा साना पूर्वाधारमा एक करोड पचहत्तर लाख बजेट विनियोजन गरेको ट्याम्केमैयुङ गाउँपालिका– ५ खावाका वडाअध्यक्ष सुनिल राईले जानकारी दिए ।
गाउँपालिकालार्ई यस आर्थिक वर्ष २०७४/७५ का लागि कुल २७ करोड ६४ लाख बजेट प्राप्त भएको छ । गाउँसभाले गाउँपालिकाको नाम यसअघिको ट्याम्केमैयुमलाई संशोधन गरी ‘टेम्केमैयुङ’ नामाकरण गर्ने महत्वपूर्ण प्रस्ताव पारित गरेको छ । गत भदौ ५ गतेदेखि शुरु भएको परिषद् बिहीबार सकिएको हो ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।