धाँधली भएको एमालेको निर्ष्कष, पुनःमतदानको माग

नेकपा (एमाले) ले सत्तारुढ दलहरूले विभिन्न जिल्लाका धाँधली गरेको आरोप लगाउँदै ती ठाउँहरूमा पुःनमतदान गराउन माग गरेको छ ।एमालेले अछामको साँफेबगर नगरपालिका–७ स्थित सरस्वती मावि मतदान केन्द्र, डोटीको केआईसिंह नगरपालिकामा हुलहुज्जत गरी मतदान केन्द्र कब्जा गरिएको दाबी गरेको छ ।

यसैगरि अछामको मेल्लेख, पञ्चदेवल ननगरपालिकाको विनायक, बझाङको चैनपुर, कैलालीको बद्रगारिया लगायतका ठाउँमा धाँधली गरेको आरोप लगाएका छन् । एमाले प्रचार विभाग प्रमुख योगेश भट्टराईले बुधवार साँझ जारी गरेको विज्ञप्तिमा राजनीतिक स्थिरता र आर्थिक विकासका लागि आवधिक निर्वाचन अपरिहार्य रहेको उल्लेख गर्दै निर्वाचनका आधारभूत मूल्य र मान्यतामा बसेर निर्वाचन सम्पन्न गराउन जिम्मेवारी निर्वाह गर्ने निजामती कर्मचारी, सुरक्षाकर्मी र पर्यवेक्षकलाई पनि धन्यवाद दिइएको छ । रासस