मर्स्याङदी गाउँकार्यपालिका निर्विरोध

लमजुङ (बेसीसहर), उत्तरी लमजुङको मर्स्याङदी गाउँकार्यपालिका सदस्यमा नेकपा एमाले र माओवादी केन्द्र बाट निर्वाचित जनप्रतिनिधि निर्विरोध निर्वाचित भएका छन् । संयुक्त प्यानलबाट दुईजना दलित वा अल्पसङ्ख्यक र चारजना महिला गरी छजना सदस्य निर्विरोध निर्वाचित भएका हुन् ।

महिला सदस्यमा माओवादी केन्द्रका अनिता विक र नेकपा एमाले बाट चौतरी तामाङ, डिलकुमारी थापा र पारकाशी गुरुङ निर्वाचित भएका हुन् । यस्तै, दलित वा अल्पसङ्ख्यकबाट माआवादी केन्द्रका कृष्णबहादुर विक र नेकपा एमालेका नन्दराम विक निर्वाचित भएका छन् ।

उम्मेदवार मनोनयनका क्रममा नेपाली कांग्रेसलगायत अन्य पार्टीले उम्मेदवारी दर्ता नगरेपछि निर्वाचन अधिकृतले छजनालाई निर्विरोध निर्वाचित घोषणा गरेका हुन् । जिल्लाका अन्य स्थानीय तहमा आज कार्यपालिका सदस्यका लागि निर्वाचन हुँदैछ । रासस