भक्तपुर, चाँगुनारायण नगरपालिकाका वडा नं ५ मा एक वडा सदस्यबाहेक नेपाली कांग्रेसको समूह विजयी भएको छ ।
आइतबार बिहान सार्वजनिक भएको मतपरिणामअनुसार चाँगुनारायण वडा नं ५ को वडाध्यक्षमा जयन्द खड्का विजयी भएका छन् । खड्काले एक हजार ६४८ मत प्राप्त गरेका छन् भने उनका निकटतम प्रतिद्वन्द्वी नेपाल मजदुर किसान पार्टीका मीनबहादुर बाटाले एक हजार ३२९ मत प्राप्त गरेका छन् ।
विजयी हुनेहरुमा नेपाली कांग्रेसका महिला सदस्य राधिका खड्का बाटाले एक हजार ३३८ मत, दलित महिला सदस्य रामकुमारी विकले एक हजार ३३३, वडा सदस्य राजी गिरीले एक हजार ३२८ र अर्का सदस्य नेमकिपाका रोशन खत्रीले एक हजार १८२ मत प्राप्त गरि विजयी भएका छन् ।
नगर प्रमुखमा कांग्रेसका राजाराम खड्काले चार हजार ८३२ मतले अग्रता लिएका छन् भने भने उपप्रमुखमा पनि कांग्रेसकै सरु बानियाँले पाँच हजार १९१ मतले अग्रता लिएकी छन् ।
निकटतम प्रतिद्वन्द्वी नगरप्रमुखमा नेकपा एमालेका उम्मेदवार सोम मिश्रले चार हजार ४०३ र उपप्रमुखमा एमालेकी बिना बास्तोलाले चार हजार ५७४ मतले पछ्याइरहेकी छन् । मतगणना जारी छ । रासस
प्रतिक्रिया