चौतारा, सिन्धुपाल्चोकको बाह्रबिसे नगरपालिकाको नगर प्रमुखमा नेकपा एमालेका निमफुन्जो शेर्पा चार हजार ९२९ मत प्राप्त गरी विजयी भएका छन् ।
उनका निकटतम प्रतिद्वन्द्वी नेपाली कांग्रेसका बालकृष्ण बस्नेतले चार हजार ७११ मत प्राप्त गरेका छन् । नगर उपप्रमुखमा एमालेकै सुशीला पाख्रिन पाँच हजार १५ मत प्राप्त गरी विजयी भएकी छन् भने उनकी निकटतम प्रतिद्वन्द्वी कांग्रेसकी लिला नेपालले चार हजार ८१३ मत प्राप्त गरेकी छन् ।
सो नगरपालिकाको वडा नं १, २, ३, ४ र ९ मा नेपाली कांग्रेस तथा वडा नं– ५, ६, ७ र ८ मा नेकपा एमाले विजयी भएका छन् । वडा नं १ को वडाध्यक्षमा कामी शेर्पा काँग्रेस, २ मा बमबहादुर तामाङ कांग्रेस, ३ मा एकबहादुर भण्डारी कांग्रेस, ४ मा ज्ञानेन्द्र श्रेष्ठ कांग्रेस, ५ मा बेलबहादुर रोक्का एमाले, ६ मा मोहनलाल श्रेष्ठ एमाले, ७ मा मिनबहादुर श्रेष्ठ एमाले, ८ मा सुरज लामा एमाले र वडा नं ९ को वडाध्यक्षमा सानु लामा कांग्रेस विजयी भएका छन् । रासस
प्रतिक्रिया