फलेवास (पर्वत), उत्तरी पर्वतको जलजला गाउँपालिकामा नेपाली कांग्रेसका यामबहादुर मल्ल तीनहजार सातसय २३ मत प्राप्त गरी विजयी भएका छन् ।
गएराति अबेर सम्पन्न मतगणनामा मल्लले नेकपा एमालेका उम्मेदवार लालबहादुर अधिकारीलाई ६४५ मतान्तरले पराजित गर्दै विजयी भएका हुन् । अधिकारीले तीन हजार ७८ मत प्राप्त गरेका छन् ।
त्यस्तै, नेकपा माओवादी केन्द्रका उम्मेदवार बाबुराम कार्कीले एक हजार ९२१ मत प्राप्त गरेका छन् । उपाध्यक्षमा पनि नेपाली कांग्रेसका सीमा पुन विजयी भएका छन् । उनी तीन हजार ७८३ मत ल्याएर विजयी भएका हुन् ।
एमालेका अनिता शर्माले तीन हजार ६५७ र नेकपा माओवादी केन्द्रका सीता मल्लले एक हजार ५९४ मत प्राप्त गरे । यो गाउँपालिकाका वडा नं २, ३, ४ र ८ मा कांग्रेस, र वडा नं ७ र ९ मा नेकपा माओवादी केन्द्र तथा वडा नं १, ५ र ६ मा नेकपा एमाले का वडाध्यक्ष विजयी भएका छन् ।
वडा नं १ मा तुलसीराम रेग्मी, २ मा गोविन्द खत्री, ३ मा देवीन्द्रबहादुर भण्डारी, ४ मा भीष्म मल्ल, ५ मा तिलक जिसी, ६ मा हमबहादुर फकामी, ७ मा टुङ्गनाथ आचार्य, ८ मा हरिविकास जिसी र ९ मा गौबहादुर पुन वडाध्यक्षमा चुनिएका छन् । रासस
प्रतिक्रिया