डोल्पाको त्रिपुरा सुन्दरी नपाको प्रमुखमा एमाले

डोल्पा, डोल्पाको त्रिपुरासुन्दरी नगरपालिका प्रमुख तथा उपप्रमुखमा नेकपा एमाले विजयी भएको छ ।

विजयी हुनेमा प्रमुखका उम्मेदवार ओमबहादुर बुढाले एक हजार ६०९ मत ल्याएर विजय भएका छन् भने उपप्रमुखमा चन्द्राकुमारी बुढाले एक हजार ८४५ मत ल्याएर विजयी भएकी हुन् ।

निकटतम प्रतिद्वन्द्वी कांग्रेसबाट प्रमुखका उम्मेदबार दिलबहादुर विष्टले एक हजार ५९१ मत ल्याएका छन् । कांग्रेसका उम्मेदवार विष्टभन्दा एमालेका उम्मेदवार बुढा १८ मत मात्रै बढी ल्याएर विजयी भएका हुन् ।

त्यस्तै, प्रमुखका माओवादीका उम्मेदवार रामलाल विकले ८३७ मत ल्याए ।

त्यस्तै, कांग्रेसबाट उपप्रमुखका उम्मेदवार बुद्धाकुमारी शाहीले एक हजार ६४ मत ल्याएर पराजय भइन् । माओवादीबाट उपप्रमुखका उम्मेदवार काली चलाउनेले ९५५ मत प्राप्त गरिन् ।

उक्त नगरपालिकाको वडा नं १ को वडा अध्यक्षमा कांग्रेसका उम्मेदवार कमसिंह थापा २८३ मतसहित कांग्रेसको प्यानलनै विजयी भएको छ । रासस