निर्वाचन अधिकृतबाट काम सुरु
भद्रपुर, आगामी स्थानीय तहको निर्वाचनका लागि झापामा एक जना मुख्य निर्वाचन अधिकृत सहित १५ जना आ–आफ्ना कार्य क्षेत्रमा आइसकेका छन् ।
भद्रपुर नगरपालिकाका लागि मुख्य निर्वाचन अधिकृत जिल्ला अदालतका प्रमुख न्यायाधीश सुदर्शन पाण्डेले जिल्ला समन्वय समिति कार्यालयको माथिल्लो तलामा आफ्नो कार्य सञ्चालन गरिसकेको जिल्ला निर्वाचन कार्यालय भद्रपुरका प्रमुख गोपाल आचार्यले बताए ।
वैशाख ३१ गते हुने स्थानीय तहको निर्वाचनका लागि झापामा मतदानस्थल दुई सय ८३ र मतदान केन्द्र छ सय ३७ कायम गरिएको र सोहीअनुसार शान्ति सुरक्षाको व्यवस्था मिलाइएको बताइएको छ । रासस