भोजपुर साक्षर जिल्ला घोषित

२६ चैत, भोजपुर । पूर्वी पहाडी जिल्ला भोजपुरलार्इ एक कार्यक्रमका बीच साक्षर जिल्ला घोषित गरिएको छ ।

जिल्ला शिक्षा कार्यालय भोजपुरको तथ्याङ्कअनुसार १५ देखि ६० वर्षसम्म उमेरका नागरिक ९६।४३ प्रतिशत साक्षर रहेको पाइएकाले आइतबार जिल्लालाई प्रदेश नं १ का मुख्यमन्त्री शेरधन राईले साक्षर जिल्ला घोषणा गरेका हुन् ।

मुख्यमन्त्री राईले प्रदेश नं १ लाई नमूना प्रदेश बनाउने भन्दै यातायात, स्वास्थ्य र शिक्षा पहिलो प्राथमिकतामा रहने बताए ।
रासस