२ जेष्ठ २०८१, बुधबार | Wed May 15 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

गौरादह नगरपालिकाको बजेट ८२ करोड



२१ पुस, दमक । झापाको गौरादह नगरपालिकाले चालु आर्थिक वर्षका लागि रु ८२ करोड बढीको अनुमानित बजेट सार्वजनिक गरेको छ ।बिहीबार पहिलो नगरसभाले नगरपालिकाको ८२ करोड ७ लाख रुपैयाँकोअनुमानित आयव्यय सार्वजनिक गरिएको हो ।

गाैरादह नगरपालिकाकाे प्रस्तावित भवन

बजेटको चालु खर्चतर्फ आम्दानीको ४६.३६ प्रतिशत अर्थात् ३८ करोड ४ लाख रुपैयाँ र पूँजीगत खर्चतर्फ ५३.६४ प्रतिशत अर्थात् ४४ करोड ३ लाख रुपैयाँ विनियोजन गरिएको नगर प्रमुख रोहित शाहले जानकारी दिए ।

गौरादह नगरलाई पर्यटकीय, शैक्षिक, व्यापारिक, व्यावसायिक तथा बसोबासयोग्य हरितसँगै आधुनिक स्मार्ट सिटी बनाउन बजेटसहितको नीति तथा कार्यक्रमबाट जोड दिइएको शाहको दाबी छ । नौ वटा वडा रहेको नगरको पछिल्लो जनसंख्या करिब ६६ हजार पुगेको नगरपालिकाले जनाएको छ ।

झापा क्षेत्र नं ५ का प्रदेशसभा सदस्य हिक्मत कार्कीको प्रमुख आतिथ्यमा भएको नगरसभा उद्घाटन कार्यक्रममा निवर्तमान सांसद दीपक कार्की, नगर उपप्रमुख गीता भेटवाललगायतले बोलेका थिए । रासस

प्रकाशित मिति : २१ पुस २०७४, शुक्रबार ००:००