१८ कात्तिक, हुम्ला । दशैं, तिहार र छठ पर्वका बेला बिदामा गएका कर्मचारीले जिल्ला फर्कन हवाई टिकट पाएका छैनन् । एक मात्र यातायातको साधन हवाइमार्ग मात्र रहेको हुम्लाका कर्मचारी अहिले नेपालगन्ज र सुर्खेतमा अड्किएका छन् ।
जिल्ला हुलाक, जिल्ला स्वास्थ्य, जिल्ला प्राविधिक, जिल्ला आयर्वेदिक, जिल्ला सिँचाइ कार्यालय, सिमिकोट गाउँपालिका, कोष तथा लेखा नियन्त्रण कार्यालय लगायतका ३२ कर्मचारी दुई दिनदेखि सुर्खेत र नेपालगन्ज विमानस्थलमा अलपत्र परेका हुन् । अहिलेसम्म पनि विकास निर्माणकाे काम हुन सकेकाे छैन । अब हिउँद शुरू हुन लागेकाे कारण विकास निर्माण थप अलपत्र पर्नेछ ।
यही कात्तिक १६ गते केही कर्मचारीले तारा एयरको विमान चार्टर गरी जिल्ला आए पनि अन्य कर्मचारी भने सुर्खेत तथा नेपालगन्जमै रहेको कर्मचारीले बताएका छन् । रासस
प्रतिक्रिया