Logo

पाटनका भित्री भागमा पानीको निकास नहुने समस्या समाधान हुने



 

मङ्सिर १६, ललितपुर । पाटनका भित्री भागमा वर्षाका समयमा पानीको निकास नहुने समस्यामाको समाधान हुने भएको छ । लगनखेलबाट मङ्गलबजार हुँदै शङ्खमूल सम्म ढल निर्माण गर्न लागिएको ललितपुर महानगरपालिकाले जनाएको छ ।

काठमाडौं उपत्यका खानेपानी लिमिटेड केयुकेएल सँगको सहकार्यमा ढल निर्माणको योजना बनाइएको हो । यसले वर्षाको समयमा नगरका बढी डुबान हुने क्षेत्र समेट्ने प्रवक्ता राजु महर्जनले बताए । उनले भने, “वर्षेनी यहाँका जनताले धेरै सास्ती भागेकाले समाधानको योजना बनाइएको हो ।” लगनखेल, गाःवहाल, महापाल, मङ्गलबजार, कुमारीपाटी लगायतका महानगरपालिकाका डुवानमा पर्ने क्षेत्रलाई योजनाले समेट्ने छ ।

ढल निर्माणका लागि अध्ययन भइसकेको र केही समयपछि कार्यक्रम शुरु हुने प्रवक्ता महर्जनले बताए । उनले भने, “वर्षाभन्दा पहिले नै स्थानीयवासीलाई राहत दिने योजना रहेको छ ।” ढलको अभावमा नगरको भित्री भागमा ठूलो पानी पर्नासाथ सडक हिलाम्मे हुनेगर्छ ।
रासस

प्रतिक्रिया दिनुहोस्