१७ असार, लहान । सिरहाको विष्णुपुर गाउँपालिकामा व्यापक अनियमितता भएको भन्दै स्थानीयवासीले सूचनाको हक प्रयोग गरी गाउँपालिका कार्यालयसंग खरिद भएका सामान र विकास कार्यमा खर्चको विवरण माग गरेका छन् ।
सूचनाको हकअनुरुप स्थानीयवासीले सामूहिक रुपमा गाउँपालिका कार्यालयमा निवेदन दर्ता गराउँदै गाउँपालिकाबाट खरिद भएका सामान र विकासनिर्माणको काममा भएको खर्चको विवरण माग गरेको स्थानीयवासी राजकुमार यादवले जानकारी दिए ।
स्थानीयवासीले गाउँपालिका कार्यालयमा सूचना माग गर्न जाँदा कार्यालयले सुरक्षाका लागि प्रहरी बोलाएपछि गत शुक्रबार स्थानीयवासी र प्रहरीबीच केहीबेर झडप समेत भएको थियो ।
स्थानीयवासी करीब २५ जनाले सामूहिक रुपमा निवेदन दिँदै गाउँपालिकाका प्रशासकीय अधिकृत रामप्रमोद यादवसंग गाउँपालिकाबाट निकासा भएको बजेट तथा खर्च, कर्मचारी भर्ना, सवारी साधन खरीद, जिन्सी खरीद, पोखरी ठेक्कासम्बन्धी काजजातको प्रतिलिपि आदि विवरण उपलब्ध गराउन माग गरेका थिए ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।