२५ कार्तिक २०८३, बुधबार | Wed Nov 11 2026

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

मिर्चैया नगरपालिकाको बजेट ४३ करोड ३२ लाख

लेखक स्थानीय खबर १२ माघ २०७४, शुक्रबार २ मिनेट पढाइ

१२ माघ, लहान । सिरहाको मिर्चैया नगरपालिकाको पहिलो नगरसभाले २०७४/०७५ का लागि ४३ करोड ३२ लाख रुपैयाँको बजेट अनुमोदन गरेको छ । नगरसभामा नगरपालिकाका प्रमुख श्रवणकुमार यादवले चालू आर्थिक बर्ष ०७४/७५ का यो बजेट प्रस्तुत गरेका हुन् ।

आन्तरिक आयतर्फ १ करोेड ५० लाख रुपैयाँ, राजश्व बाँडफाँड (रजिष्टे«शनतर्फ) ५० लाख रुपैयाँ संघीय संरचना पूँजगत विकास कार्यक्रमतर्फ ४८ लाख रुपैयाँ, वित्तीय समीकरणतर्फ २५ करोड रुपैयाँ, सशर्त पूँजीगततर्फ ७ करोड रुपैयाँ, सामाजिक सुरक्षातर्फ ७ सात करोड ४४ लाख, सडक बोर्डतर्फ ३५ लाख रुपैयाँ विनियोजन हुने अनुमान गरिएको छ ।

यसैगरि स्थानीय शासन तथा सामुदायिक विकास कार्यक्रम (एलजिसिडिपी( तर्फ १५ लाख ५७ हजार विनियोजन हुने प्रक्षेपण गरिएको छ ।

यस्तै, व्ययतर्फ ७ करोड १४ लाख, पूँजीगत खर्चमध्ये वित्तीय समीकरणतर्फ २१ करोड २४ लाख रुपैयाँ, सशर्त पूँजीगततर्फ ७ करोड दुई लाख रुपैयाँ, सामाजिक सुरक्षा चालूतर्फ ७ करोड ४४ लाख रुपैयाँ संघीय संरचना पूँजीगत विकासतर्फ ४८ लाख रुपैयाँ अनुमानित व्यय प्रस्ताव गरिएको नगरप्रमुख यादवले जानकारी दिए ।

जनताको हित र कल्याणको पक्षमा सदुपयोग गर्नुका साथै पाँच वर्षको अवधिलाई फलदायी र उपलब्धिमूलक बनाउने लक्ष्यका साथ बजेट, नीति तथा कार्यक्रम तयार गरिएको नगरप्रमुख यादवको दाबी छ ।

मिर्चैयामा बैंक अफ काठमाडौँ

यसैबीच, सिरहाको मिर्चैयामा बैंक अफ काठमाडौँले नयाँ शाखा विस्तार गरेको छ । बैंकले आफ्नो ७७ औँ शाखाको रुपमा मिर्चैयामा सञ्चालनमा ल्याएको हो ।

बैंकका सञ्चालक समितिका सदस्य गोविन्दप्रसाद शर्मा रेग्मीले बिहीबार बैंकको शाखा बीच उद्घाटन गरेका छन् । सोही अवसरमा बैंकका सहायक महाप्रबन्धक महेश मिश्र, क्षेत्रीय प्रमुख अमित चन्द, राष्ट्रपतिका स्वकीय सचिव जिवछ साह, उद्योग वाणिज्य संघ, मिर्चैयाका अध्यक्ष हरिशंकर साहलगायतको उपस्थिति थियो । रासस

प्रकाशित मिति : १२ माघ २०७४, शुक्रबार

प्रतिक्रिया ०

यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।

अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।

प्रतिक्रिया लेख्नुहोस्

तपाईंको इमेल प्रकाशित हुँदैन। प्रतिक्रिया सम्पादकको स्वीकृतिपछि देखिन्छ।