दुई सय ३२ मतदानस्थल संवेदनशील

१६ मंसिर, गौशाला । दोस्रो चरणअन्तर्गत मंसिर २१ गते हुने प्रतिनिधिसभा र प्रदेशसभा सदस्य निर्वाचनका लागि महोत्तरीमा २३२ मतदानस्थल संवेदनशील रहेको छ ।

कुल २ सय ५८ मतदानस्थलमध्ये २ सय ३२ वटा संवेदनशील रहेको र त्यसमध्ये पनि १ सय ३५ वटा मतदानस्थल अति संवेदनशील रहेको जिल्ला प्रशासन कार्यालयले महोत्तरी जनाएको छ ।

चार निर्वाचन क्षेत्र रहेको महोत्तरीमा प्रतिनिधिसभा र प्रदेशसभा निर्वाचनमा तीन लाख सात हजार ६०२ जना मतदाताले मतदान गर्ने भएका छन् । रासस