४ मंसिर २०८३, शुक्रबार | Fri Nov 20 2026

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

महेन्द्रबहादुर शाहीलार्इ प्रदेससभा बैठकबाट विश्वासको मत प्राप्त

लेखक स्थानीय खबर १५ फाल्गुन २०७४, मंगलबार १ मिनेट पढाइ

१५ फागुन, सुर्खेत ।
कर्णाली प्रदेशका मुख्यमन्त्री महेन्द्रबहादुर शाहीले प्रदेससभाको आज बसेको बैठकबाट विश्वासको मत प्राप्त गरेका छन् । उनले संविधानको धारा १६८ को उपधारा २ अनुरूप विश्वासको मत माग्दै प्रदेशसभाको बैठकमा प्रस्ताव पेश गरेका थिए ।

प्रस्तावको पक्षमा नेकपा एमाले र नेकपा माओवादी केन्द्र का ३२ सदस्य तथा विपक्षमा नेपाली कांग्रेसका ५ र राप्रपाका एक गरी छ जना सदस्यले मतदान गरेका थिए ।

यसअघि प्रस्तावको सर्मथन गर्दै नेकपा एमाले संसदीय दलका नेता यामलाल कँडेलले फागुन ३ गते प्रदेश प्रमुखलाई दिएको हस्ताक्षर लाई कायमै राख्ने र सरकारको पक्षमा मत दिने बताए । उनले सरकारले सहकार्यको बाटो अवलम्बन गर्नुपर्ने सुझाव पनि दिए ।

नेपाली कांग्रेस संसदीय दलका नेता जीवनबहादुर शाहीले आफूहरू रचनात्मक प्रतिपक्षको भूमिका खेल्ने बताउँदै सरकारले गरेका कामका आधारमा सर्मथन तथा विरोध गर्ने धारणा व्यक्त गरे ।

राप्रपाका सोशीला शाहीले आफ्नो पार्टीको संविधानका केही धारामा मतभेद भएपनि समृद्धिका लागि सबैसँग सहकार्य गर्दै जाने बताए । अर्को सूचना प्रकाशित नभएसम्मका लागि प्रदेससभाको अर्को बैठक स्थगित गरिएको सभामुख राजबहादुर शाहीले घोषणा गरे ।
रासस

प्रकाशित मिति : १५ फाल्गुन २०७४, मंगलबार

प्रतिक्रिया ०

यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।

अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।

प्रतिक्रिया लेख्नुहोस्

तपाईंको इमेल प्रकाशित हुँदैन। प्रतिक्रिया सम्पादकको स्वीकृतिपछि देखिन्छ।