Logo

संघीय र प्रादेशिक संसद्को निर्वाचन पहिलो प्राथमिकतामाः प्रधानमन्त्री



काठमाडौँ । प्रधानमन्त्री शेरबहादुर देउवाले आगामी माघ ७ गतेभित्र संघीय र प्रादेशिक संसद्को निर्वाचन सरकारले उच्च प्राथमिकतामा राखेर बजेट निर्माण गरेको बताएका छन् ।

व्यवस्थापिका–संसद्को आजको दोस्रो बैठकमा विनियोजन विधेयक, २०७४ अन्तर्गत राष्ट्रपति तथा उपराष्ट्रपतिको कार्यालय, प्रधानमन्त्री तथा मन्त्रिपरिषद्को कार्यालय र राष्ट्रिय योजना आयोगको सचिवालयका विधेयकमाथिका सांसदहरूले राखेका जिज्ञासाको जवाफमा प्रधानमन्त्रीले बजेट र सरकारको प्राथमिकताबारे स्पष्ट पारेका हुन् ।

उनले भूकम्पपछिको पुनःनिर्माणलाई उच्च प्राथमिकता दिएर पुनःनिर्माण प्राधिकरणले काम गरिरहेको पनि दाबी गरे । ५ लाखभन्दा बढी लाभग्राहीको विवरण सङ्कलन भएको, कर छली हुन नदिन सरकार दृढ रहेको र पनि दाबी गरेका छन् । यसैगरि सुशासन प्रवर्धन, स्थानीय तहमा बजेट वृद्धि, निर्वाचन क्षेत्र निर्धारण आयोग गठनप्रति पनि सरकार सचेत रहेको जानकारी गरेका थिए ।

पूरक प्रश्नको जवाफ दिने क्रममा उहाँले राष्ट्रपतिका निम्ति गाडी खरिद गर्नेसम्बन्धी प्रस्ताव प्राप्त नभएको स्पष्ट गर्दै राष्ट्रप्रमुखको सुरक्षा र गरिमाका निम्ति गाडी किन्ने विषयलाई सामान्य मान्नुपर्ने बताए । रासस

प्रतिक्रिया दिनुहोस्