उपल्लो मुस्ताङको लोमान्थाङ गाउँपालिका–५ को वडा कार्यालय भवन निर्माण भएको छ । लोमान्थाङ गाउँपालिकाले मौलिक पहिचान झल्कने एकतले पाँचकोठे भूकम्प प्रतिरोधी क्षमताको पक्की भवन निर्माण गरेको हो ।
८० लाख रुपैयाँमा निर्माण भएको नयाँ भवनबाट कार्यालय सञ्चालन सुरू गरिएको वडाध्यक्ष रिनजिनदोर्जे विष्टले बताए ।
लोमान्थाङको मौलिक पहिचान झल्कने गरी पर्खाल बनाइएको भवनमा फरक किसिमको झ्याल, ढोका र रङ प्रयोग गरिएको छ ।
वडाध्यक्ष, वडासचिव, बैठक, सहायताकक्ष र भान्छाकोठाका लागि छुट्टाछुट्टै कोठा बनाइएको छ । वडाध्यक्ष र सचिवको कार्यकक्ष भएको कोठाभित्र शयनकक्ष छ ।
नयाँ भवन निर्माण भएपछि सेवा प्रवाहमा सहज भएको बिष्टले बताए । तात्कालिनलोमान्थाङ गाविसको भवनमा गाउँपालिकाको कार्यालय सञ्चालन गरिएको छ । यसअघि वडा कार्यालय भाडाको घरबाट सञ्चालन भएको थियो । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।