१३ फाल्गुन २०८०, आइतबार | Mon Feb 26 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

षडानन्द नगरपालिकाः करारका कर्मचारीले तलब पाएनन्




भोजपुर । नगर प्रमुखले तलबभत्ता रोकिदिएको भन्दै षडानन्द नगरपालिकाका करारका कर्मचारी आक्रोशित भएका छन् । केही महिनादेखि रोकिएको तलब बडादशैँमा घर फर्कने बेलासम्म नगर प्रमुख वीरबल राईले निकासा गर्न नमानेपछि आक्रोशित बनेका हुन् ।

नगरपालिकाका करारतर्फका ११० कर्मचारीको गत साउन महिनादेखि तलबभत्ता रोकिएको छ । साउन र भदौको तलबले दशैँ मनाउने आशामा रहेका कर्मचारीलाई राईले बढेको तलब र दशैँ भत्ता रद्द गरिदिएपछि रित्तै हात घर फर्कनुपर्ने चिन्ता थपिएको कर्मचारी मन्दीप राईले गुनासो गरे । नगरपालिकाको लेखाफाँटले पनि सबै प्रक्रिया पु¥याएको र नगर प्रमुखको अन्तिम स्वीकृति मात्र बाँकी रहेको जनाएको छ । लेखाफाँटका कर्मचारी राजेश दाहालले भने, “लेखाफाँटबाट हुनुपर्ने कामहरु सबै भइसकेको छ, कागजपत्र तयारी अवस्थामा छ तर मेयर राईले ‘मैले हुन्छ भने पछि मात्रै तलब दिनू’ भनेकाले तलब हाल्न नसकिएको हो ।”

प्रमुख राईले कर्मचारीको आफ्नो हाजिरीखातामा रातो मसी हालिएकाले तलब रोकिएको बताए । रातोमसी लागेपछि तलब उपलब्ध गराउन नमिल्ने उनको भनाइ छ । गत साउन २६ गते नगरपालिकाको निर्णयविनै तत्कालीन प्रमुख प्रशासकीय अधिकृत विष्णुप्रसाद कोइरालाले आफुखुशी नगरपालिकाका कर्मचारी समायोजन गरिएको सूचना टाँसेका थिए ।

यही असोज १३ अगावै समायोजन गरिएको स्थानमा कर्मचारी खटिनुपर्ने सूचना टाँसिए पनि केही दिनअघि सिन्धुली सरुवा भएका प्रशासकीय अधिकृत कोइरालाले आफू सरुवा हुनुपूर्व कर्मचारीको हाजिरीखातामा हाजिर गर्न प्रमाणित गरेको कर्मचारी दीपराज राईले बताए ।

कार्यपालिकाले निर्णय नै नगरी कर्मचारी समायोजन गरेर विनापत्र कर्मचारी नखटिएकाले प्रमुखले रातो मसी लगाएर तलब रोक्नु कर्मचारीमाथि अन्याय भएको उपप्रमुख मेरिका राईले बताइन् । उनले नियमित काममा खटिने नगरपालिकादेखि वडातहसम्मका कर्मचारीको तलब रोकिदिन नहुने बताइन् । नगरपालिकाका जनप्रतिनिधि र स्थायी कर्मचारीले सेवासुविधा र तलब पाउँदा करारका कर्मचारीलाई समस्यामा पार्न नहुने उप–प्रमुख राईको भनाइ छ । रासस

प्रकाशित मिति : १८ आश्विन २०७६, शनिबार ००:००