दाङमा पूर्वाधार विकास कार्यालयले यस वर्ष ९१ योजनाको काम शुरु गरेको छ । चालू आर्थिक वर्षमा ९१ योजनाको काम शुरु भएको कार्यालय प्रमुख वासुदेव भण्डारीले बताए ।
चालू आवमा समानीकरणतर्फ ८६ करोड रुपैयाँ बराबरको बजेट रहेको र सशर्ततर्फ ६ करोड २० लाख रुपैयाँ विनियोजन गरिएको उनले जानकारी दिए ।
सिस्नेखोला र कटुवा खोलाको दोभानमा पर्ने पुलका लागि यो वर्ष ५ करोड रुपैयाँ विनियोजन गरिएको छ ।
यस्तै कार्यालयले गत आवमा ८८ योजना निर्माणको काम पूरा गरेको छ । जम्मा ८६ सडक मर्मत, स्तरोन्नति र कल्र्भटका काम भएका छन् भने २ वटा पुल निर्माण भएका छन् ।
बाँकी २५ योजनाको काम भने अबको केही महीनामा पूरा हुने भण्डारीले बताए ।
गत वर्ष समानीकरणतर्फ ४२ करोड ७ लाख रुपैयाँ विनियोजन गरेकोमा २८ करोड रुपैयाँ खर्च भएको थियो ।
साथै वर्षाका कारण समयमै काम नहुँदा ९ करोड रुपैयाँ बजेट फ्रिज भएको थियो । उक्त समयमा गिट्टी, बालुवा उपलब्ध नहुँदा पनि समस्या भएको थियो । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।