२९ असार २०८१, शुक्रबार | Fri Jul 12 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

कर्णाली प्रदेश सरकारद्वारा मुगुका अग्निपीडितको उद्धार



सुर्खेत । कर्णाली प्रदेश सरकारले मुगुका अग्निपीडितको उद्धार गरेर सुर्खेत ल्याएको छ । कर्णाली प्रदेश सरकारका आन्तरिक मामिला तथा कानूनमन्त्री नरेश भण्डारीको नेतृत्वमा गएको टोलीले मुगुको खत्याड गाउँपालिका २ सेरी जामगाउँका अग्निपीडितको उद्धार गरेको हो ।

तीन दिनअघि अज्ञात समूहले खत्याड गाउँपालिका २ वडा कार्यालयमा आगजनी गरेका थिए । उक्त आगो अन्य घरमा समेत फैलिएपछि चार परिवार घरबारबिहीन भएका थिए ।

चार परिवारका १० जनालाई हेलिकोप्टरमा उद्धार गरी सुर्खेत ल्याइएको कानून मन्त्रालयका सूचना अधिकारी कृष्णबहादुर रोकायाले जानकारी दिए ।

अज्ञात समूहले वडा कार्यालयमा गरेको आगजनीबाट वडाध्यक्ष लालबहादुर मल्ल, टक्कबहादुर मल्ल, पद्म बुढा र हरिकृष्ण दाहालको घर पूर्णरुपले जलेर नष्ट भएको छ ।

आगोले जलेर घाइते भएका तीन जनालाई थप उपचारका लागि सुर्खेत ल्याइएको छ । आगजनीबाट नगदसहित ५ करोडको क्षति भएको छ । मन्त्री भण्डारीले घटनामा संलग्नलाई कानुनी दायरामा ल्याइने बताए । रासस

प्रकाशित मिति : २१ श्रावण २०७६, मंगलबार ००:००