जेठ ३१, काठमाडौं । दाङ जिल्लाको दङ्गीसरण गाउँपालिका–१ र २ का बासिन्दाले दशकौँदेखि भोग्दै आएको खानेपानीको समस्या समाधान गर्न माग गरेका छन् ।
विभिन्न निकायसँग पटक पटक गरिएका मागमा सुनुवाइ नभएपछि स्थानीयवासीले दाङ क्षेत्र नं ३ बाट प्रतिनिधित्व गरेका प्रतिनिधिसभा सदस्य हिराचन्द्र केसीलाई आज संसद् सचिवालयमा ध्यानाकर्षण पत्र बुझाएका हुन् ।
करीब आठ हजारले खानेपानीका लागि दैनिक आधादेखि दुई घण्टासम्म धाउनुपरेकाले न्याय अधिकार संस्था (जुरी नेपाल), गोगो फाउण्डेशन र जागरण मिडिया सेन्टर सहित ३० स्थानीय प्रतिनिधिले स्थानीयवासीको हस्ताक्षरसहितको ध्यानाकर्षणपत्र बुझाएका हुन् ।
जुरी नेपालकी अध्यक्ष शर्मिला श्रेष्ठले दाङ जिल्लाको दङ्गीसरण गाउँपालिका–१ र २ को समस्या सुनाउँदै खानेपानी अभावका कारण जनजीवन निकै कष्टर भइरहेकाले समस्या शीघ्र समाधान गर्न आग्रह गरिन् । सांसद केसीले उनीहरूले भोगिरहेको समस्या समाधान गर्न प्राथमिकता दिइने प्रतिबद्धता व्यक्त गरे । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।