जेठ २५, रुकुमपश्चिम । चौरजहारी र सानीभेरी गाउँपालिकाका कृषकलाई कृषि औजार वितरण गरिएको छ ।
प्रधानमन्त्री कृषि आधुनिकीकरण परियोजना कार्यान्वयन एकाइ तरकारी र तरकारीको बीउ जोनले दुई स्थानीय तहका कृषकलाई ५० प्रतिशत अनुदानमा ६० लाख बराबरका कृषि औजार वितरण गरेको हो ।
दुई स्थानीय तहका कृषि समूह तथा कृषि सहकारीलाई १८ वटा मिनी टेलर, ६१ वटा स्प्रे ट्याङ्की र २५० वटा तरकारीको बीउ ओसाउने पङ्खा वितरण गरिएको हो ।
त्यसैगरी तरकारीको बिरुवा रोप्ने र ड्याङ बनाउने एक–एक थान उपकरण र बीउ स्टोर गर्ने ३५ वटा उपकरण पनि वितरण गरिएको जोन कार्यक्रमका वरिष्ठ कृषि अधिकृत महेश चन्दले जानकारी दिए । चौरजहारी नगरपालिकाका उपप्रमुख राधा रोकाले उक्त सामग्री कृषकलाई हस्तान्तरण गर्नुभएको हो । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।