वैशाख १६, भक्तपुर । सांसद महेश बस्नेतले भक्तपुरमा विगत डेढवर्षको अन्तरालमा विकासको काम तीव्र रुपले अघि बढेको बताएका छन् ।
सूर्यविनायक नगरपालिका–१ र ४ जोड्ने चरखण्डी खोलाको पुलको उद्घाटन गर्दै उनले भक्तपुरको विकास निर्माणका लागि आएको कुनै पनि बजेट नरोकिने गरी विकासका कामलाई पूर्णता दिने काम भइरहेको बताए । सांसद बस्नेतले भक्तपुरको सडक, ढल, करिडोर तथा राष्ट्रिय गौरवका बहुवर्षीय आयोजना लगायतका एक वर्षमा २० वटा भन्दा बढी निर्माणको काम भइरहेको बताए । यसवर्ष हनुमन्ते नदीमा मात्रै आठवटा ठूला पुल तथा भक्तपुरमा एक दर्जनभन्दा बढी साना पुल निर्माण भइरहेको उनले बताए ।
उनले भक्तपुरमा ५९ सडक निर्माण तथा बोलपत्रको प्रक्रियामा रहेको जानकारी गराउँदै सडकबाट थप यो वर्ष १६ वटा सडक विस्तृत परियोजनाप्रतिवेदन (डिपिआर) को प्रक्रियामा रहेको बताए । एक करोड १२ लाखको लागतमा सात मिटर लम्बाइ र सात मिटर चौडाईको उक्त पुल निर्माण सम्पन्न भएको हो । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।