बैशाख १४, हुम्ला । हुम्लाको खार्पुनाथ गाउँपालिका–१ मा रहेको चिसामूल गाउँका बालबालिकालाई विद्यालय पुग्न समस्या छ ।
वडा नं १ चिसामूल गाउँका १५ घरधुरीका २५ पाँचदेखि सात वर्षसम्मका बालबालिकाका लागि वाल विकास केन्द्र नहुँदा उनीहरू दुई घण्टासम्म हिँडेर अध्यानका लागि जाने गरेको स्थानयीवासी टसी विष्ट बताउँछन् ।
अध्ययनका लागि गाउँमा उक्त केन्द्र नहुँदा वडा नं २ दुईमा रहेको गोक्पा गाउँकोे भानुभक्त आधारभूत विद्यालय पुग्न बिहान ७ बजे नै घरबाट निस्कने गरेको उनले बताए ।
भीरको बाटो भएर विद्यालय जानुपर्ने भएकाले हावाहुरी र वर्षाको समयमा बालवालिकालाई विद्यालय पठाउन समस्या पर्दै आएको विष्टले बताए । रासस
प्रतिक्रिया