स्थानीय खबर संवाददाता, २१ मंसिर । गाउँपालिका राष्ट्रिय महासंघ चीनले अघि सारेको महत्वकांक्षी परियोजना बेल्ट एण्ड रोड लोकल को–अपरेटिभ कमिटी (बीआरएलसी) को कार्यसमिति सदस्यमा चयन भएको छ ।
डिसेम्बर २ देखि ५ गतेसम्म चीनको हाङजाऊ सहरमा गरिएको भेलाले बीआरएलसीको कार्यसमिति गठन गरेको हो । ७१ देश जोड्ने लक्ष्य राखिएको बीआरएलसी परियोजनाको उक्त भेलामा करिब २५ देशका प्रतिनिधी सहभागी थिए ।
कार्यक्रममा महासंघका महासचिव बंशलाल तामाङको नेतृत्वमा गएको ६ सदस्यीय टोलीले सहभागिता जनाएको थियो । तामाङका अनुसार हाङजाऊ सहरको मेयर झी लीईको अध्यक्षतामा बीआरएलसीको कार्यसमिति गठन भएको छ ।
युरोप, एसिया प्यासिफिक, अफ्रिकी देशहरूबाट समेत कार्यक्रममा सहभागिता जनाएको थियो । “विश्वका ७१ वटा देशलाई जलमार्ग, स्थलमार्ग, हवाईमार्ग र समुन्द्रिक किनारा हुँदै जोड्ने लक्ष्य लिइएको यो महत्वकांक्षी कार्यक्रमको कार्यान्वयन पक्ष बहुआयमिक छ,” उनले भने, “७१ देशमध्ये नेपाल पनि एक हो । त्यसमाथी चीनसँग जोडिएको हुँदा बीआरएलसीमा नेपालका स्थानीय तहको भूमिका महत्वपूर्ण छ ।”
बीआरएलसी कार्यान्वयनका क्रममा विकास निर्माणमात्र नभई साँस्कृतिक र प्राविधिक विभिन्न जस्ता सामाजिक पक्षको आदनप्रदान हुने पनि उनले जानकारी दिए ।
महासंघ स्थानीय तहको एसिया प्यासिफिक संगठन युनाईटेड सिटिज अफ लोकल गभर्नेन्स (यूसीएलजी) को सदस्य हो । यूसीएलजी पनि बीआरएलसीको सदस्य हो सेप्टेम्बरमा भएको थियो ।
प्रतिक्रिया