२३ जेठ, काठमाडौं । वन तथा वातावरण मन्त्री शक्तिबहादुर बस्नेतले जथाभावी फोहोर फाल्ने सरकारी कार्यालयहरूलाई कारवाही गर्ने चेतावनी दिएका छन् ।
आज राजधानीको सरसफाई कार्यक्रममा राष्ट्रिय वाणिज्य बैंकको केन्द्रीय कार्यालय र राष्ट्रिय बीमा संस्थान अगाडि फोहरको थुप्रो देखेपछि मन्त्री बस्नेतले दुवै कार्यालयका कर्मचारी बोलाएर तत्काल फोहर हटाउन निर्देशन दिएका छन् ।
“तपाईहरुले आफ्नो कार्यालय अगाडि थुपारेको फोहोर तत्काल हटाउनु होस्,” मन्त्री बस्नेतले भने, “आगामी दिनमा फेरी यसरी फोहोर फालेको पाइए कारबाही गर्छु ।”
मन्त्रीसहितको टोलीले माइतीघर, बबरमहल, नेपाल आयल निगम हुँदै अन्नपूर्ण न्यूरो अस्पताल अगाडिसम्म सरसफाई गरेको थियो । ‘वि लभ यु फाउण्डेशन’ संस्थाको आयोजना गरिएको सरसफाइ कार्यक्रमको नेतृत्व बस्नेतले गरेको थियो । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।