Logo

७० बर्षमाथीका ज्येष्ठ नागरिकको बीमाको शुल्क सरकारले तिर्ने



 

स्थानीय खबर संवाददाता
काठमाडौं, १५ जेठ

७० बर्ष माथीका ज्येष्ठ नागरिकको बीमावापत तिनुपर्ने रकम सरकारले तिर्ने भएको छ । संघीय सरकारका अर्थमन्त्रीले डा. युवराज खतिवडाले संसदमा पेस गरेको बजेटले यो व्यवस्था गरेको हो । सामाजिक सुरक्षाको क्षेत्रमा यो नयाँ कार्यक्रम हो ।

७० बर्ष नाघेका बृद्धबृद्धाले मासिक २ हजार रुपैयाँ भत्ता पाउँदै आएका छन् । यसअघि शेरबहादुर देउवाको सरकारले भत्ता पाउनेको उमेर ६५ बर्षमा झारे पनि बजेटले यसलाई संवोधन गरेको छैन । दलित समुदाय र कर्णालीमा भने ६० बर्षदेखि नै भत्ता पाउँदै आएका छन् ।

केन्द्रीय पञ्जीकरण विभागका दलित समुदायका २ लाख १२ हजार ४४४ र कर्णालीका ३३ हजार ८१० बृद्धबृद्धाले भत्ता पाउँदै आएका छन् । यसै गरि अन्य भत्ता पाउने ८ लाख ६६ हजार ४८२ अन्य समुदायका बृद्धबृद्धाले भत्ता पाउँदै आएका छन् ।

विभागको तथ्यांकअनुसार देशभर बृद्धबृद्धा, अपाङ्ग, एकल महिला, लोपोन्मुख आदिवासी जनजाति, वाल संरक्षण भत्ता पाउने नागरिकको संख्या करिब २४ लाख छ ।

प्रतिक्रिया दिनुहोस्