सरकारले मन्त्रीपरिषद् विस्तारका क्रममा राप्रपा नेपालका अध्यक्ष कमल थापालई संघीय मामिला तथा स्थानीय विकास मन्त्री बनाउने तयारी गरेको छ ।
प्रधानमन्त्री पुष्पकमल दहालका प्रेस सल्लाहकार गोबिन्द आर्चायका अनुसार थापालाई उपप्रधानमन्त्री पनि बनाउने तयारी भईरहेको छ । आज साँझै सपथ खुवाउने तयारीसमेत भइरहेको उनले बताए ।
“उहाँलाई उपप्रधान र संघीय मामिला तथा स्थानीय विकास मन्त्री बनाउने अनौपचारिक सहमति भएको छ,” उनले भने, “उहाँ र राप्रपाबाटै बन्ने अर्का मन्त्रीलाई आज साँझ नै सपथ खुवाउने तयारी भइरहेको छ ।”
थापा पटक–पटक स्थानीय विकास मन्त्री बन्ने नेता हुन् । यसअघि २०५४ मा पनि स्थानीय बनेका थिए । केपी ओली नेतृत्वको सरकारमा पनि उपप्रधान, संघीय मामिला तथा स्थानीय विकास मन्त्री थापा नै थिए ।
पुष्पकमल दहाल नेतृत्वको सरकारमा अहिलेसम्म संघीय मामिला तथा स्थानीय विकास मन्त्रीमा माओवादी केन्द्रका नेता हितराज पाण्डे थिए ।
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।