भक्तपुरमा नेमकिपाको तेस्रो जित

नगरकोट, भक्तपुर नगरपालिका–३ मा नेपाल मजदुर किसान पार्टीले वडा अध्यक्षसहित विजय हासिल गरेको छ । वडा अध्यक्षका उम्मेदवार राजकृष्ण गोरा एक हजार ६६९ मतसहित विजयी भएका हुन् ।

उनका प्रतिद्वन्दी नेपाली कांग्रेसका ओमप्रकाश भुजुले एक हजार १४० मत पाएका छन् । यस्तै एमालेका रामरत्न सिलाकारले ५५८ मत प्राप्त गरेका छन् ।

महिला सदस्य सुनिता प्रजापति, सदस्यमा कृष्णगोपाल चगुठी र राजकुमार शिल्पकार विजयी भएका छन् । रासस