२ फाल्गुन २०८०, बुधबार | Wed Feb 14 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

काठमाडौं महानगरको स्थानीय पाठ्यक्रममा ट्राफिक व्यवस्थापनदेखि दिगो विकाससम्म



काठमाडौँ महानगरपालिकाले आगामी शैक्षिक सत्रदेखि नेपाल भाषा, दिगो विकास, वातावरण शिक्षा, ट्राफिक व्यवस्थापनलाई स्थानीय पाठ्यक्रममा लागू गर्ने भएको छ ।

स्थानीय पाठ्यक्रम महानगरभित्रका सबै सार्वजनिक, सामुदायिक र संस्थागत विद्यालयमा लागू गरिने महानगरपालिकाको शिक्षा विभाग प्रमुख निर्मला केसीले बताइन् ।

विद्यालय व्यस्थापनको जिम्मेवारी स्थानीय तहमा आएसँगै स्थानीय पाठ्यक्रम लागू हुन लागेको हो । स्थानीयवासीका सबै आवश्यकता केन्द्रीय पाठ्ययक्रमले पूरा गर्न नसक्ने भएकाले स्थानीय पाठ्यक्रम आवश्यक भएको बताउँछन् ।

महानगरपालिकाले छनोट गरेका स्थानीय पाठ्यक्रमका पाँच विषयमध्ये इच्छा अनुसार विद्यालयहरूले १०० पूर्णाङ्कको एक विषय चयन गर्न सक्नेछन् । हाल महानगरपालिका क्षेत्रमा ९१ सार्वजनिक र ६ सय ४३ संस्थागत विद्यालय सञ्चालनमा छन् ।

ती विद्यालयमा १ लाख ६५ हजार विद्यार्थीले अध्ययन गर्दै आएका छन् । रासस

प्रकाशित मिति : ९ कार्तिक २०७६, शनिबार ००:००