जोरायल गाउँपालिकाले आफ्नै भवन निर्माण गर्न थालेको छ ।
भवन नहुँदा जनताका कामकाज गर्नमा समस्या भएको भन्दै उक्त गाउँपालिकाले १ करोड रुपैयाँ लागतमा १४ कोठे भवन निर्माणको काम सुरू भएको छ ।
जोरायल गाउँपालिका अध्यक्ष दुर्गादत्त ओझाले नयाँ निर्माण हुन लागेको भवनको आज एक कार्यक्रमका बीच शिलान्यास गरे ।
उक्त भवनको निर्माण कार्य आउँदो वर्षको जेठ महीनाभित्र सम्पन्न गर्ने लक्ष्य लिएको ओझाले बताए ।
“गाउँपालिकाको आफ्नै भवन नहुँदा जनताका काम गर्न समस्या झेल्दै आएका छौं,” ओझाले भने, “भवन निर्माण भएपछि सेवाप्रवाहमा सझिलो हुनेछ ।”
उक्त भवन भूकम्परहित र अपाङ्गमैत्री प्रविधिको बनाइने योजना रहेको गाउँपालिकाका उपाध्यक्ष जमुना बोहराले जानकारी दिइन् । रासस
प्रतिक्रिया