९ फाल्गुन २०८०, बुधबार | Wed Feb 21 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

बिजुली कटौतीले जनजीवन प्रभावित



विद्युतको भार कटौतीका कारण कैलालीको जनजीवन नराम्रोसँग प्रभावित भएको छ । उखरमाउलो गर्मी बढेका बेला पटकपटक विद्युत् आपूर्ति बन्द हुँदा जनजीवन कष्टकर बनेको हो ।

“चर्को गर्मीमा बिजुली नहुँदा सास्ती खेप्नुपरेको छ”, धनगढीका कृष्णराज जोशीले भने, “विद्युत् प्राधिकरणले गुनासोप्रति बेवास्ता गर्दै आएको छ ।” यहाँ भारी वर्षा नहुँदा गर्मी बढ्दै गएको छ ।

विद्युत्भार कटौती हुँदा उद्योग तथा व्यापार व्यवसाय क्षेत्रसमेत प्रभावित भएको छ । “बिजुली कति बेला आउँछ केही ठेगान हुँदैन,” धनगढीस्थित कुटानी पिसानी मीलका कामदार वीरबहादुर चौधरीले भने ।

कुटानी पिसानी गर्न ल्याइएको धान र गहुँ पाँच दिनदेखि मीलमै थन्किएको उनले गुनासो गरे ।

धनगढी उपमहानगरपालिका र यस आसपासका क्षेत्रमा लामो समयदेखि विद्युत्भार कटौती हुँदै आएको छ । बिजुली आउने र जाने क्रम नरोकिँदा घरमा टेलिभिजन, रेफ्रिजिरेटर, इन्भर्टरलगायत विद्युतीय सामग्रीमा क्षति पुग्ने गरेको छ ।

विद्युत् प्राधिकरण धनगढी शाखा कार्यालयले भने फल्टका कारण यस्तो समस्या सिर्जना हुने गरेको जनाएको छ ।

बिजुली आउने जाने भइरहँदा समस्याको पहिचान हुन नसकिरहेको कार्यालयले जनाएको छ । गत जेठ २३ गते गएको हुरीबतासका कारण अधिकांश ठाउँमा बिजुलीका खम्बा भाँचिएका थिए । कतिपय ठाउँमा अझै मर्मत सम्भार हुन सकेको छैन । रासस

प्रकाशित मिति : ५ श्रावण २०७६, आइतबार ००:००