प्रदेश नं ३ः ग्रामीण कृषि सडकको सुधारमा ३० करोड

जेठ १२, हेटौँडा । ग्रामीण कृषि सडकको सुधार तथा मर्मतका लागि प्रदेश नं ३ सरकारले चालू आर्थिक वर्षमा ३० करोड विनियोजन गरी कार्यान्वयन प्रक्रियालाई अगाडि बढाएको छ ।

प्रदेश नं ३ को भूमि व्यवस्था, कृषि तथा सहकारी मन्त्रालयले कृषि सडकको विकासका लागि विभिन्न कृषि सहकारी संस्था, कृषक समूह र उपभोक्ता समितिको साझेदारीमा सो रकम विनियोजन गरेको हो ।

चालू आवको स्वीकृत बजेट बमोजिम कृषिसँग सम्बन्धित सङ्घ, संस्थासँग सम्झौता गरी योजना कार्यान्वयन गरिएको हो । मन्त्रालयका अनुसार नुवाकोटमा आठ, सिन्धुपाल्चोकमा आठ, चितवनमा १२, काभ्रेपलाञ्चोकमा ११, ललितपुर र भक्तपुरमा सात÷सात, दोलखामा छ, मकवानपुरमा ११, रामेछापमा छ, सिन्धुलीमा ११ तथा धादिङमा सात कृषि सडक सुधारका लागि योजना स्वीकृत भएको हो ।

मन्त्रालयका प्रवक्ता निर्मल गदालका अनुसार मन्त्रालयले ग्रामिण कृषि सडक सुधार गर्नुपर्ने स्थानको पहिचान गरी प्रस्तावना पेश गर्न कृषिसँग सम्बन्धित संस्थालाई जानकारी गराइएको थियो । सतासी कृषि संस्था छनोट गरी काम गर्न सम्झौता गरिएको छ ।

वर्षा याममा कृषि उपज सम्बन्धित बजार क्षेत्रमा पु¥याउन नसक्दा किसानको मेहनत खेर जाने भएकाले ग्रामिण कृषि सडकको विकासमा जोड दिइएको गदालको भनाइ छ । प्रदेश नं ३ का १३ जिल्लामध्ये ११ जिल्लामा ग्रामीण कृषि सडकको विकासमा उक्त लगानी गरिएको हो । यसैबीच हेटौँडा उप–महानगरपालिकाले अनलाइनमार्फत घटना दर्ताको कार्य शुरु गरेको छ ।

उक्त उप–महानगरपालिका–६ को कार्यालयबाट घटना दर्ता अनलाइनमार्फत शुरु गरिएको हो । अनलाइन घटना दर्ता प्रणाली शुरुआतसँगै अब व्यक्तिगत विवरण अनलाइनमार्फत हेर्न सकिने र घटना दर्तामा कागजविहीन प्रविधिको उपयोग गरिएको वडाका प्रशासकीय अधिकृत आमोद मैनालीले जानकारी दिए ।

मृत्यु दर्ता, विवाह दर्ता, जन्म दर्ता, सम्बन्ध बिच्छेद लगायत घटनाको दर्ता अनलाइनमार्फत शुरु गरिएको हो । रासस