वैशाख २६, बेझाड । पूर्वखोला गाउँपालिका ५ को वीरकोट र रामपुर नगरपालिका १० को गेझा जोड्ने वीरकोट–गेझा–बर्दले सडक स्थानीयवासीको सक्रियतामा स्तरोन्नति गर्ने काम सकिएको छ ।
सडक स्तरोन्नतिका लागि यहाँका स्थानीयवासीले जनश्रमदानसँगै आर्थिक सहयोग पनि गरेका छन् । सो सडक निर्माणका लागि पूर्वखोला गाउँपालिकाबाट १४ लाख रकम सहयोग प्राप्त भएको थियो ।
स्थानीय उपभोक्ताको जनश्रमदान र दुई लाख १४ हजार ८४२ गरी जम्मा १६ लाख १४ हजार ८४२ को लागतमा सडक स्तरोन्नति गर्ने काम भएको उपभोक्ता समितिका सचिव जगबहादुर जर्घाले जानकारी दिए । यहाँ सडक स्तरोन्नति नहुँदा आवतजावतमा स्थानीयवासीले निकै सास्ती खेप्नुपरेको थियो । रासस
प्रतिक्रिया