वैशाख १५, विराटनगर । प्रदेश १ का आन्तरिक मामिला तथा कानून मन्त्रालयले स्थानीय तह आपत्कालीन कार्य सञ्चालन केन्द्रका लागि स्थानीय तहलाई उपकरण हस्तान्तरण गरेको छ । उपकरणमा एक थान कम्प्युटर, एक थान प्रिन्टर र एक थान मोबाइल छन् ।
सो उपकरण प्रदेश भरिका १३७ स्थानीय तहलाई एक करोड १७ लाख मूल्य बराबरको छ भने प्रत्येक स्थानीय तहलाई ८५ हजार बराबरको उपकरण हस्तान्तरण भएको हो । आन्तरिक मामिला तथा कानूनमन्त्री हिक्मतकुमार कार्कीले यस्ता उपकरणबाट स्थानीय तहमा आपत्कालीन अवस्थामा सहज बनाउन मद्दत गर्ने बताए ।
उनले सरकारको पहुँच स्थानीय तहसम्म पुगेको महसुस हुने र यसबाट आम नागरिकलाई सेवा प्रवाहमा मद्दत पनि पुग्ने विश्वास व्यक्त गरे । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।