फागुन २४, भक्तपुर । महिलालाई आर्थिक विकासमा अग्रसर बनाउँदै सशक्तीकरण गरेको भन्दै राष्ट्रिय महिला आयोगले चाँगुनारायण नगरपालिकालाई सम्मान गरेको छ ।
नगरपालिकाले ३६ लाख बजेट विनियोजन गरी महिलालाई विभिन्न तालीम सञ्चालन गरी एक हजार ५०० भन्दा बढी महिलालाई दक्ष बनाएकामा मूल्याङ्कन गर्दै सम्मान गरेको नगर प्रमुख सोमप्रसाद मिश्रले जानकारी दिए ।
नगरपालिकाले महिलाका लागि उद्घोषण, काष्ठकलामा सीप विकास तालीम, ब्युटिसियन, लोकसेवा तयारी कक्षा, कृषि तालीम लगायत विभिन्न तालीम सञ्चालन गरेको थियो । यस वर्ष पनि नगरपालिकाले महिला सशक्तीकरणका लागि विभिन्न कार्यक्रम सञ्चालन गर्ने तयारी गरेको उनले बताए । रासस
प्रतिक्रिया