कात्तिक २२ मेलम्ची । प्रदेश नम्बर ३ सदस्य निमा लामाले माझी समुदायलाई कम्प्युटर प्रदान गरेर तिहारको शुभकामना दिएका छन् ।
मेलम्ची नगरपालिका–१२ स्थित बाँसबारीमा आयोजित शुभकामना आदान–प्रदान कार्यक्रममा उने माझी समुदायमा रहेको नवज्योति जनजागरण सांस्कृतिक परिवारलाई आठ कम्प्युटर र एक प्रिन्टर प्रदान गरेका छन् ।
माझी युवाले अध्ययन गरे पनि उच्च शिक्षा अध्ययनका क्रममा कम्प्युटरको ज्ञान नहुँदा अरुभन्दा कमजोर भएको पाइएकाले आफूले सहयोग गरेको सांसद लामाले जानकारी दिए ।
माझी समुदायका युवा पढाइमा अब्बल छन् । स्थानीय विद्यालयका कम्प्युटर शिक्षक अमृत माझीको संयोजनमा युवालाई दैनिक कम्प्युटर शिक्षा दिइने उक्त क्लबले जनाएको छ । रासस
प्रतिक्रिया