स्थानीय खबर संवाददाता
काठमाडौं, २९ असार
संघीय संसदका सदस्य राजेन्द्र लिङदेनले मुलुकमा राम्रो कानून बनेर कार्यान्वयन भए आधाजसो स्थानीय जनप्रतिनिधी जेल जाने दाबी गरेका छन् ।
गाउँपालिका महासंघ र नेपाल नगरपालिका संघले आयोजना गरेको सांसदसँगकाे संवाद कार्यक्रममा उनले स्थानीय जनप्रतिनिधी भ्रष्टचारमा मात्रै लिप्त भएको आरोप लगाए ।
“एउटा स्थानीय तहमा जिविसले पहिल्यै गरिसकेको कामलाई यस बर्ष सम्पन्न गरेको देखाएर भुक्तानी लिन खोजेछ । कर्मचारीले नमानेपछि जनप्रतिनिधीले धम्की दिएछ । त्यसपछि मलाई फोन कर्मचारीको फोन आयो,” उनले भने, “अर्को स्थानीय तहमा भुक्तानी दिँदा कमिसन खाने चलन नै छ, कमिसन खान पाउनु पर्छ भनेर जनप्रतिनिधीले अड्डी कसेछन् । यस्ता उदाहरण कयौं छन् । यदि राम्रो कानुन बनेर लागू भयो भने आधाजसो जनप्रतिनिधी जेल जाने निश्चित छ ।”
साथै, जनप्रतिनिधी र कर्मचारीहरूले ‘संक्रमणकाल’ भन्दै पन्छिने गरेको पनि उनको आरोप छ । “अहिले दोषबाट उम्किन र जिम्मेवारीबाट पन्छिन सझिलो छ । ‘संक्रमणकालमा यस्तै हुन्छ’ भन्यो उम्कियो ।”
उनले भ्रष्टाचार गरेर सम्पति कमाउनु आमाको रगत खानु बराबर भएको भनाई दोहोर्याए । केही समय अघि उनले संघीय संसदमा बोल्नेक्रममा यही भनाई राखेका थिए ।
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।